Jeuz des Seigneurs portent souvent dommage.
S’ilz ne sont pris du tout en equité :
Car bien souvent le jeu en est quitté
Puis fault laisser à tous Seigneurs l’hommage.
Et puis on dit, pour louër davantage,
Il fault souffrir en toute qualité
Jeuz de Seigneurs.
Il vaudroit mieux ouyr le chant ramage,
De quelque oyseau en toute honnesteté,
Vivre de peu, et de peu contenté,
Que d’endurer par un ce grand outrage
Jeuz de Seigneurs.